Eth Conselh Generau d’Aran, amassa damb Foment Torisme Val d’Aran e diuèrses entitats deth territòri, organize un nau Cicle de Concèrts d’Ostiu 2026.

Era programacion aufrirà quate actuacions gratuïtes pendent es diuendres deth mes d’agost, tostemp tàs 19.30 ores, en diuèrsi espacis patrimonius dera Val d’Aran.

Eth cicle començarà eth 7 d’agost ena glèisa dera Purificacion de Bossòst, damb era actuacion deth Quartet Prisma, que presentarà un repertòri d’aires populars.

Eth 14 d’agost, era plaça deth Musèu dera Nhèu d’Unha acuelherà eth concèrt d’Aura i Biel Quintet.

Era tresau actuacion aurà lòc eth 21 d’agost en jardin dera Casa deth Senhor d’Arròs, damb eth Trio Barròc – Ensemble Méridien.

Entà acabar, eth 28 d’agost, era glèisa de Gausac serà er scenari deth concèrt deth Quartet amb Piano PPQ, damb un repertòri de musiques de films.

Aguest cicle a coma objectiu apropar era musica ara ciutadania e as visitaires, ath madeish temps que se met en valor eth patrimòni culturau, istoric e arquitectonic aranés.

Toti es concèrts seràn gratuïts e damb accès liure enquia completar eth nombre de places.

Vielha, 3 d’agost de 2026