• Eth nombre d’inscrits ena edicion d’enguan artenh es 466 corredors, des quaus 196 an estat hemnes e 270 òmes.

Era Val d’Aran acuelhec dissabte, 29 d’agost, era 29au edicion dera Corsa e caminada des 15 pòbles, ua des pròves esportives mès arraïtzades en territòri, que combine era practica esportiva damb eth coneishement e era descubèrta deth patrimòni e des camins tradicionaus dera Val.

Era corsa mès longa auie un recorrut de 21,5 quilomètres e 1.132 mètres de desnivèu positiu, mès eth programa tanben includie diferentes prepauses adaptades a d’auti perfils de participants: era caminada de 15 quilomètres, eth Trofèu Arturo Riba, d’11 quilomètres, e era Corsa e caminada Trofèu Roland Giné, de 5 quilomètres.

Eth nombre d’inscrits ena edicion d’enguan artenh es 466 corredors, des quaus 196 an estat hemnes e 270 òmes.

Damb gessuda en Es Bòrdes e damb traçats que trauèssen diuèrsi pòbles e espacis dera val, era pròva s’a consolidat com ua des cites importantes deth calendari esportiu aranés e com ua activitat que permet descorbir eth territòri des d’ua perspectiva diferenta.

Era 29au edicion a tornat a reivindicar eth valor des camins tradicionaus dera Val d’Aran coma espacis de practica esportiva, de connexion entre es pòbles e de descubèrta deth patrimòni naturau e culturau aranés.

Es resultats e es classificacions dera pròva se pòden consultar ena plataforma oficiau de Sportmaniacs.com