-
Un agent de Miei Ambient e un can detector refortissen eth dispositiu en terren e accelèren era localizacion de naues possibles hònts d’infeccion, era vigilància e era bioseguretat.
Eth Còs d’Agents Ruraus deth Departament d’Interior e Seguretat Publica, a aufrit aué era informacion actualizada sus er estat der operatiu de contencion dera pèsta porquia africana (PPA) dempús d’ua fin de setmana d’intensa activitat tecnica e de coordinacion interinstitucionau.
Eth bròt, detectat eth 28 de noveme, ei eth prumèr registrat en Catalonha dempús de 1995, un hèt que n’aumente era importància epidemiologica e eth besonh d’ua responsa coordinada, immediata e basada en critèris scientifics.
Un dispositiu excepcionau damb mès d’un milèr d’efectius desplegadi
Dempús dera aparicion dera infeccion, s’activèc eth Plan de Contingéncia dera PPA, qu’a mobilizat a mès d’un milèr d’efectius entà garantir era vigilància deth territòri, era recèrca de possibles brotoades e era proteccion deth sector porcin.
D’entre aguesti efectius, uns quate cents trabalhen dirèctament ena prospeccion e contencion. Eth dispositiu, que trebalhe de manèra permanenta, compde des d’ager damb un can detector e un agent de Miei Ambient deth Conselh Generau d’Aran, que s’an incorporat ath dispositiu.
Aué auem podut conéisher que ja s’a completat tota era prospeccion dera zòna de 0 a 6 km, a on s’an detectat es 13 positius confirmadi enquia aué, e es equipes trabalhen actuaument ena analisi sistematica der airau de 6 a 20 km.
Era foncion essenciau deth supòrt canin e des agents de Miei Ambient
Es unitats canines an ua foncion principau enes zònes de bòsc e de nauta densitat de vegetacion. A diferéncia des cans de seguiment abituaus, es gossets detectors d’aguest operatiu son adondadi entà detectar cadavres sense interferir en comportament dera fauna viua.
Era preséncia der Agent de Miei Ambient e dera unitat canina dera Val d’Aran, que s’an incorporat recentaments ar operatiu, a refortit era capacitat de prospeccion en zònes d’orografia complicada. Aguesta equipa apòrte coneishement deth territòri, velocitat enes intervencions e especializacion en trabalh de camp.
Ath delà, es intervencions canines formen part d’un modèl d’integracion constanta damb d’auti recorsi deth Còs d’Agents Ruraus, especiaument era Unitat de Dròns (UAS) e es equipes terrèstres. Es dròns permeten detectar punts critics e moviments de fauna per aire, mentre qu’es cans entren en terren entà confirmar es endrets identificadi. Aguesta cooperacion immediata redusís eth temps de responsa e aumente era eficàcia globau deth dispositiu.
Trebalh conjunh damb unitats canines de d’auti còssi
Un des punts fòrti deth dispositiu ei era cooperacion interinstitucionau. Ath delà des Agents Ruraus i trabalhen unitats canines des Mòssos d’Esquadra, Guàrdia Civil, Agentes Forestales dera Comunidad de Madrid, Bombers d’Andorra e, des d’ager, ua equipa dera Val d’Aran. Aguesta collaboracion permet ua cobertura territoriau mès ampla e un escambi de coneishement tecnic que refortís tot er operatiu.
Se remèrque era importància de:
• Respectar tota era senhalizacion de proïbicion d’accès tath mèdi naturau.
• Non alimentar ne apropar-se ara fauna sauvatja, especiaument as sanglièrs.
• Depositar es lordères en contenedors barradi.
• Comunicar era trobalha de quinsevolh bèstia mòrta o herida tath 112.
• Evitar apropar-se a explotacions porcines o zònes de pas de fauna susceptibla.
• Non alimentar ne apropar-se ara fauna sauvatja, especiaument as sanglièrs.
• Depositar es lordères en contenedors barradi.
• Comunicar era trobalha de quinsevolh bèstia mòrta o herida tath 112.
• Evitar apropar-se a explotacions porcines o zònes de pas de fauna susceptibla.
Vielha, 9 de deseme de 2025