Vielha, 26 de març de 2018.- Eth cant des Gòis ère ua tradicion fòrça arraïtzada enes pòbles dera Val d’Aran e qu’en Vilamòs auie desapareishut hège fòrça ans.

Pra’mor de recuperar aguesta manifestacion culturau e religiosa era Associacion Es Paums compausèc e interpretèc estan passat es “Gòis en aunor de Sant Ròc patron de Vilamòs” ua composicion poetica-musicau en vèrsi heptasíllabs damb letra de Jèp de Montoya, musica de Jaume Masana “CASTÈTH” e diboishi de Jusèp Fenoy editada peth Conselh Generau d’Aran e per Ajuntament de Vilamòs.

Enguan era associacion vò hèr un pas mès e vò entronizar era imatge de Sant Ròc en autar dera Glèisa de Vilamòs e cantar es Gòis eth pròplèu 15 d’agost en tot coïncidir damb era Hèsta Major dera vila en tot mantier atau era tradicion recuperada er an passat.

Pendent er acte era Corau Es Paoesses interpretarà es Gòis e era Missa er aranés.
Eth projècte que compde damb eth supòrt der Ajuntament de Vilamòs, er Archiprestat d’Aran e eth Conselh Generau d’Aran se preten finançar damb ua campanha de micromecenatge impulsada pera associacion.

Entà auer mès informacion e aportacions: https://www.totsuma.cat/1609