Vielha, 1 de junh de 2018.- “Connècta damb era tua passion e convertís-la ena tua profession”. Aguesta ei era naua capsula deth CEI Val d’Aran, que debanarà eth pròplèu diuendres dia 8 de junh de 10:00 as 14:00 ores. Era capsula formatiua serà impartida per Ana Campos Tomás, Diplomada en Sciéncies Empresariaus e Relacions Laboraus, e Mastèr en Direccion de Recorsi Umans.

Era capsula formatiua se prepause en un entorn reflexiu en quau es participaires poguen préner consciéncia des sues abiletats.

Es capsules formatiues s’impartissen en madeish CEI Val d’Aran de Casau, Plaça Naua, 1, e son organizades peth CEI Val d’Aran e eth Conselh Generau d’Aran en collaboracion damb era Deputacion de Lhèida e GlobaLleida, damb eth supòrt deth Departament d’Enterpresa e Aucupacion dera Generalitat de Catalonha, Catalonha Empren e eth Hons Sociau Europèu.

Es inscripcions entà participar en aguesta naua capsula formatiua se pòden formalizar en www.ceivaldaran.org o en ligam corresponent dera web deth Conselh Generau d’Aran www.aran.org e tanben en tot trucar ath Telf. 973 64 18 01.

Es capsules deth CEI Val d’Aran son gratuïtes e s’adrecen a totes es persones o enterpreses interessades en agranir era sua formacion. Totes es persones inscrites auràn de portar eth DNI, NIE o fotocòpia deth document.