Era 37au Marxa Beret, qu’enguan acuelh eth Campionat d’Euròpa de marches populares de longues distàncies d’esquí de hons, se celebrarà eth dimenge, 7 de hereuèr ena estacion aranesa de Baqueira Beret.

Aué, dijaus, 4 de hereuèr, comencen es actes dera 37au Marxa Beret damb era inauguracion dera I Hèira dera Nhèu e der Espòrt “Nheusport” en pabalhon esportiu de Salardú.

Es inscripcions on-line an barrat damb 800 inscripcions e se demore era participacion d’entre 1.400 e 1.500 esportistes.

Era Marxa Beret en tot èster ua marcha populara compde damb diferentes distàncies en tot poder participar gent de quinsevolh nivèu.

     Membres deth Centre Ocupacional ADDA dera Val d’Aran en tot collaborar damb era Marxa Beret metent es chips e es dorsaus des corredors.

 

Era Marxa Beret neishec er an 1977 coma ua marcha populara e enguan, includís era maraton d’estil classic e d’estil liure, puntuable entara Copa Catalana e entath Campionat d’Euròpa de Maratons d’Esquí. Egalaments, ei puntable entath Campionat d’Euròpa d’Esquí Nordic e era qualificacion des esportistes ei includida en calendari dera Federacion Internacionau d’Esquí de pròves populares e tanben en calendari Euroloppet (circuit europèu de marches de longa distància).

Se demore era participacion d’entre 1.400 e 1.500 esportistes, eth 40% provien de païsi nordics, d’Alemanha, Àustria o Itàlia.

 

Membres deth Centre Ocupacional ADDA dera Val d’Aran en tot collaborar damb era Marxa Beret metent es chips e es dorsaus des corredors.

 

 

Es inscripcions on-line an barrat damb 800 inscriti e dejà an confirmat era participacion hondistes coma Imanol Rojo, dera equipa dera Reiau Federacion Espanhòla d’Espòrts d’Iuèrn (RFEDI), Diego Ruiz (Guardia Civiu), Ioseba Rojo (Uzturre), Jesus Labanda (Mayencos), Martí Vigo (CETDI Jaca), Xabier Macías (Uharte) e Ruben Caseny (Vitaldent), entre d’auti. Destaquen tanben es araneses Lydia Iglesias (ANEC) e Marta Céster (CAEI). Era organizacion tanben a destacat qu’entre es corredors d’elèit estrangèrs se tròben Rolf Aschenbrenner (Àustria), Eric Weis (Luxemborg), Catherine Freitag (Alemanha) e Marielle Bigot (França).

Era Marxa Beret ei era pròva d’esquí de hons populara en estil classic mès multitudinària d’Espanha.

Eth pròplèu an, aguest Campionat d’Euròpa se celebrarà en Vuokatti, Finlàndia.

   Volentaris d’Aran metent es chips dera pròva de Skating   

 

Era Marxa Beret ei organizada peth Conselh Generau d’Aran, Baqueira Beret e er Ajuntament de Naut Aran damb era collaboracion dera Associacion Volentaris Val d’Aran, Foment Torisme Val d’Aran, Deputacion de Lhèida, Pompièrs d’Aran, Aran Salut, Mossos d’Esquadra, ath delà dera RFEDI, era Federacion Catalana d’Espòrts d’Iuèrn (FCEH) e es diferenti patrocinadors (Obra Social “la Caixa”, AUDI, SALOMON, COCA-COLA, Power Bar,…).

 

Volentaris d’Aran metent es chips dera pròva de Skating

 

PROGRAMA 37au MARXA BERET

Dijaus, 4 de hereuèr

16h00 Inauguracion dera I Hèira dera Nhèu e der Espòrt “Nheusport” (Pabalhon esportiu de Salardú).

Diuendres, 5 de hereuèr

10h00 Dubertura dera “Casa d’Acuelhuda” e burèu tecnic entà inscripcions de darrèra ora.

18h00 Recepcion des convidadi e equipes (Pabalhon esportiu de Salardú).

18h30 Desfilada d’equipes participaires:
– ALEMANHA
– ANDÒRRA
– ÀUSTRIA
– DINAMARCA
– ESLOVAQUIA
– FINLÀNDIA
– FRANÇA
– ITÀLIA
– LUXEMBORG
– NORVÈGIA
– REPUBLICA CHÈCA
– REPUBLICA DE LETÒNIA
– RUSSIA
– SUÈCIA
– SOÏSSA
– ESPANHA

Eth recorregut dera desfilada:
– Gessuda: Plaça Major de Salardú.
– Arribada: Pòliesportiu de Salardú.

18h45 Presentacion 37au Marxa Beret e Campionat Europèu d’Esquí Nordic (Pabalhon esportiu de Salardú).

20h00 Brífing e reünion informativa (Pabalhon esportiu de Salardú).

Dissabte, 6 de hereuèr

09h30 Dubertura dera “Casa d’Acuelhuda” (Pabalhon esportiu de Salardú).

10h00 Gessuda pròve de Skating. Pròva en estil liure de dues distàncies de 15km ena zòna d’Orri e Beret e de 30 km ena zòna d’Orri e Beret.

13h00 Autrejament de prèmis pròva Skating (Beret).

13h30 Barrament deth circuit

Dimenge, 7 de hereuèr

09h00 Dubertura recinte de gessuda (Beret).

10h00 Gessuda 37au Marxa Beret/Campionat Europèu d’Esquí Nordic de longues distàncies. Damb un circuit de 10km ena zòna de Beret e Orri; de 21km ena zòna de Beret, Orri e Montgarri e fin finau en circuit de 42km, ena zòna de Beret, Orri, Montgarri e direccion Marimanha.

13h30 Liurament de prèmis dera 37au Marxa Beret (ath costat de zòna de Mèta en Beret).

14h00 Acte de clausura (Beret).

14h30 Barrament de circuit.

 

Vielha, 4 de hereuèr de 2016

 

Conselh Generau d’Aran: Núria Sanjuan