• Es inscripcions se pòden hèr enquiath 27 d’agost en: www.corsa15pobles.org o ben presenciaus: Banc Sabadell, Avda. Castièro 13-15, Vielha en orari: de 9,00 a 14.00 h. de deluns a diuendres.

Eth dimenge, dia 30 d’agost, era Val d’Aran acuelherà ua naua edicion dera Corsa des 15 pòbles, qu’enguan celèbre era sua XIXau edicion, e damb diuèrses opcions:

– Caminada 19 km damb 900 m de desnivèu positiu e 800 m de desnivèu negatiu.

– Era caminada 5 km damb 100 m de desnivèu positiu e 200 m de desnivèu negatiu.

– Corsa Juvenila entàs neishudi en 1998 e següents damb eth madeish recorregut qu’era Caminada 5 km.

“Era Corsa des 15 pòbles poténcie eth senderisme ena Val d’Aran, atau coma permet gaudir d’ua rota de trekking combinada damb era visita pes pòbles d’Aran e, a causa dera sua nauta participacion, hè difusion dera Val d’Aran e ath delà collabore ena desestacionalizacion deth torisme. Atau donques, aguesta corsa a passat a formar part deth patrimòni naturau e istòric dera Val d’Aran” a manifestat Anna Díaz, conselhèra de Torisme e Desvolopament Economic d’Aran.

En paraules deth president des Volentaris d’Aran, Roberto Boya, “es Volentaris d’Aran consideram qu’aguesta corsa ei fòrça importanta entara Val d’Aran tant a nivèu esportiu coma toristic e patrimoniau” ath delà Boya a soslinhat qu’es inscripcions van a fòrça bon ritme.

Era Corsa l’organizen es Volentaris d’Aran damb eth supòrt deth Conselh Generau d’Aran.

Es inscripcions se pòden hèr enquiath 27 d’agost en www.corsa15pobles.org o ben presenciaus en: Banc Sabadell, Avda. Castièro 13-15, Vielha en orari: de 9,00 a 14.00 h. de deluns a diuendres.

Mès informacion: www.corsa15pobles.org.