Aguest maitin entàs 12:26 ores, Pompièrs-Emergéncies a arrecebut un avís d’emergéncia der avisador S.O.S deth Refugi de Molières, a on s’informaue qu’un òme s’auie precipitat pròp des Estanys de Molières.

Enquiath lòc s’an desplaçat 4 membres deth grop de rescat de Montanha GRM Val d’Aran damb er elicòpter de rescat Val d’Aran e rapidaments an iniciat manòbres de Reanimacion.

Er herit a estat evacuat enquiar elipòrt de Vielha e transladat en ua Unitat de Supòrt Vitau Auançat enquiar Espitau dera Val d’Aran a on mès tard s’a certificat era sua mòrt.

Eth govèrn deth Conselh Generau d’Aran hè arribar es sues condoloences ara familha e amics.