Eth govèrn deth Conselh Generau d’Aran informe sus es darrères mesures prenudes en diuèrsi ambits dera sua competéncia:

• Se priorize era atencion telefonica e digitau deth servici public dera OAC (Oficina d’Atencion ara Ciutadania).
  • Se prègue ara ciutadania que sonque s’amie a tèrme era atencion presenciau en aqueri tramits e consultes de caractèr urgent en orari de 9’00h a 11’00h e, en tot cas, que s’amie a tèrme damb cita prèvia en tot telefonar ath 973 64 18 01.
• Eth Conselh Generau d’Aran aplique un plan entà facilitar eth sistèma de teletrabalh des sòns professionaus enes airaus de torisme, miei ambient, lengua, cultura, patrimòni, joenessa e administracion generau.

Enes airaus sanitari e sociau dera sua competéncia es mesures son:

• Barrament deth Centre de Dia dera gent grana
• Barrament ath public deth CDIAP
• Barrament deth centre ADDA
• Restriccions ena Residéncia Sant Antòni
  • Se proïbissen es visites
  • Se suprimissen es activitats grupaus
  • Se suprimissen es ingrèssi de naui/es usatgèrs/es
• Atencion presenciau en Servicis Sociaus sonque tà qüestions de caractèr urgent
• Suspension des avaloracions dera dependéncia
• Restriccions accès ar airau d’ospitalizacion der Espitau Val d’Aran
  • Se limite er accès d’acompanhants a ua soleta persona per pacient
  • S’amiarà a tèrme un registre de visites
  • Se proibís er accès a menors de 18 ans

Des deth govèrn deth Conselh Generau d’Aran se demane a tota era ciutadania qu’adòpte totes es mesures de prevencion e contencion que mèrquen eth Departament de Salut dera Generalitat e eth Ministèri de Sanitat deth Govèrn e que limite ath maxim eth contacte dirècte damb d’autes persones entà sajar d’arturar es contagis.

Totes aguestes mesures pòden veder-se modificades en foncion des requeriments des autoritats sanitàries.

Eth govèrn deth Conselh Generau d’Aran anarà informant sus era evolucion d’aguestes mesures e de quinsevolh nauetat que se pogue produsir.