Eth Govèrn deth Conselh Generau d’Aran a signat damb eth Conselh Esportiu dera Val d’Aran eth convèni peth quau se fomente er espòrt en edat escolara.

En paraules dera sua presidenta deth Conselh Esportiu, Ma José Estévez, “coma un des principaus objectius auem eth foment, era organizacion e era promocion dera activitat esportiva en edat escolar laguens deth territòri, en tot partir dera premissa que mejançant es valors educatius e formatius implicits en espòrt, se pòden transméter valors positius entara societat coma acceptacion des règles, eth civisme, eth trabalh en equip, eth respècte, era tolerància, eth dialòg e era comprension”.

Pera sua part, eth vicesindic e conselhèr d’Espòrts d’Aran, Luís Carlos Medina, a soslinhat “ei de besonh aguesta collaboracion damb eth Conselh Esportiu entath manteniment des sues foncions e der espòrt en edat escolara ena Val d’Aran coma motor d’integracion, de salut e de convivéncia entre era joenessa dera Val d’Aran”