Convocatòria d’avaloracion e acreditacion de competéncies en airau d’activitats fisiques e socorrisme

Vielha, 22 de noveme de 2017.- S’a daurit era convocatòria d’avaloracion e acreditacion de competéncies laguens der airau dera familha professionau d’activitats fisiques e esportiues e socorrisme.


Se pòden presentar es persones que dispòsen des requisits d’experiéncia professionau e/o formacion non formau previsti ena convocatòria.
Era convocatòria s’adrece a professionaus der espòrt e deth socorrisme que volguen obtier ua acreditacion oficiau entà regularizar era sua situacion laborau e/o finalizar ua titolacion oficiau.

 

Se pòden acreditar entre d’auti:

  • Guida entà itineraris de montanha mejana e montanha baisha.
  • Guida entà itineraris en bicicleta.
  • Socorrisme en installacions aquatiques.
  • Socorrisme en espacis aquatics naturaus.

 

Eth termini entà presentar es inscripcions ei enquiath 15 de deseme de 2017 en bèth un des següents instituts:

 

  • Institut Mare de Déu de la Mercè (Barcelona).
  • Institut Cal·lipolis (Tarragona).
  • Institut Vall d’Hebron (Barcelona).
  • Institut Escola del Treball (Barcelona).

 

Es requisits entà poder-i participar son:

  • Auer era nacionalitat espanhòla o un des documents següents:
    • Certificat de registre de ciutadania comunitària.
    • Carta de familha de ciutadan dera Union Europèa.
    • Autorizacion de residéncia o de residéncia e trabalh en Espanha en vigor.
  • Auer 20 ans complidi.
  • Auer experiéncia laborau enes darrèri 10 ans:
    • 3 ans d’experiéncia laborau damb un minim de 2.000 ores trabalhades en totau.
    • Aumens 300 ores de formacion.

 

Mès informacion en:

http://acreditat.gencat.cat/ca/index.html

Comments are closed.