Convocatòria entara sollicitud des subvencions entath pagament deth loguèr entad an 2018

Eth termini de presentacion de sollicituds finalize eth 29 de junh de 2018

Vielha, 22 de mai de 2018.- A compdar d’aué e enquiath dia 29 de junh, se poderàn presentar es sollicituds entà poder optar as subvencions en regim de concurréncia competitiva entath pagament deth loguèr 2018, a trauès dera Oficina Joenessa deth Conselh Generau d’Aran.

Entà accedir ara concession d’aguestes subvencions cau complir es següents requisits:

  • Acreditar era residéncia legau en Catalonha
  • Auer uns ingrèssi (der an 2016) dera unitat de convivéncia sufisents entà poder pagar eth loguèr e que non supèren eth màxim establit enes bases dera convocatòria (a excepcion des victimes de terrorisme).
  • Èster titular deth contracte de loguèr der abitatge que constituís eth sòn abitatge abituau e permanent e èster-i empadronat.
  • Non pagar un loguèr mensuau superior a: Demarcacion de Lhèida: 400 €
  • Familhes nombroses 900€
  • Auer domiciliat eth crubament dera subvencion en ua entitat financèra.
  • Èster ath dia en pagament des rendes de loguèr en moment dera presentacion dera sollicitud.
  • Pagar eth loguèr per miei de: transferéncia bancària, ingrès en compde, rebut domiciliat o rebut emès per administrador dera finca, aumens a compdar deth mes següent ara data de presentacion dera sollicitud.
  • Non èster sometut a cap des supòsits de proïbicion entà èster beneficiari de subvencions.
  • Complir damb es obligacions tributàries deuant der Estat, era Generalitat e era Seguretat Sociau.

 

Documentacion:

  • Fotocòpia compulsada deth DNI/NIF/NIE, o document equivalent en vigor dera persona sollicitant e de toti es membres que formen era unitat de convivéncia.
  • Certificat de convivéncia qu’acredite eth domicili dera persona sollicitant e des persones que formen era unitat de convivencia.
  • Justificant des ingrèssi dera persona sollicitant e de cadun des membres qu’intègren era unitat de convivéncia en edat laborau. Es ingrèssi cau acreditar-les dera manèra següenta:
    • Declaracion der impòst sus era renda des persones fisiques (IRPF 2016) dera persona sollicitant e de cadun des membres qu’intègren era unitat de convivéncia en edat laborau.
    • Certificat d’imputacionsdera Agéncia Estatau d’Administracion Tributària (AEAT).
    • Declaracion responsabla d’ingrèssi annaus, en situacions excepcionaus, quan era persona que sollicita era subvencion o bèth un des membres dera unitat de convivéncia non poguen justificar es ingrèssi damb era documentacion mencionada enes punts anteriors.
    • Informe socioeconomic emès pes servicis basics d’atencion sociau municipau eneth cas que toti es ingrèssi d’ua unitat de convivéncia s’acrediten per miei d’ua declaracion responsabla.
    • Situacions excepcionaus, Justificant des ingrèssi der an en cors, quan era persona sollicitant o bèth un des membres que formen era unitat de convivéncia agen agut un cambi important en relacion damb era sua situacion laborau o d’ingrèssi en periòde d’acreditar, d’acòrd damb era convocatòria.
    • Informe de vida laborau, enes casi en qué non s’acrediten ingrèssi damb era presentacion dera declaracion de l’IRPF corresponent.
  • Fotocòpia compulsada deth libre de familha.
  • Fotocòpia compulsada deth contracte de loguèr a nòm dera persona sollicitant.
  • Fotocòpia compulsada o originau de toti es rebuts de loguèr corresponents ar an 2018 (A de mèter: qui pague, qui crube e impòrt).
  • Sollicitud a nòm dera persona sollicitant e signatura de totes es persones dera unitat de convivéncia (modèl).
  • Huelha bancaria (modèl).
  • Declaracion responsabla (modèl).
  • Acreditacion deth Departament de Benestar Sociau e Familha, eneth cas de persones damb bèra discapacitat.
  • Acreditacion dera condicion de victima de terrorisme.
  • Fotocòpia compulsada deth títol de familha nombrosa.
  • Fotocòpia compulsada deth títol de familha monoparentau.
  • Documentacion acreditatiua d’èster persona joenaextutelada.

Terminis:

Eth termini de presentacion finalize eth 29 de junh de 2018.

Entà mès informacion pòden dirigir-se entara Oficina de Joenessa deth Conselh Generau d’Aran, c/Major, 36 de Vielha o en tot telefonar ath T. 973640625.

Orari d’atencion ath public: deluns a diuendres de 08:00 a 15:00 ores. Ei indispensable demanar cita prealabla.

Comments are closed.