Copos Skicenter celèbre eth sòn 40 anniversari damb es refugiats

• Recuelhuda de ròba entàs camps de refugiats en Grècia.

• Copos Mountain: Era montanha prumèr.

 

BANNER-REFUGIADOS-COPOSSKI_SEUR

 

Quaranta sasons an passat d’ençà que Copos Skicenter dauric era sua prumèra botiga dedicada ar esquí e ara montanha en sòn costat mès autentic.

Quaranta ans qu’an transcorrut en tot aufrir es melhores solucions en pistes, tant en pèces coma en accessòris e d’auti materiaus, en tot convertir era marca en un referent dera Val d’Aran e en panorama estatau.

Es persones que cerquen qualitat, innovacion e exclusivitat son es qu’an ajudat tà que Copos complisque aguesti quaranta ans en tot èster cap en sector. Per açò, Copos Skicenter a organizat ua agenda plea entà eri era rèsta d’aguesta sason. Totun, dempús dera realitat que se demore enes termières d’Euròpa, Copos Skicenter non pòt trèir era vista ath problèma e se junh ara Associacion KARAAMA e era Fondacion SEUR coma punt de recuelhuda de ròba d’abric pendent tot eth mes de hereuèr ena sua botiga de Betren.

Es imatges que mos arriben mos afècten, mos cau implicar entà ajudar a totes aguestes familhes, damb gent grana e mainatges, fòrça sense pairs, que se congèlen enes termières d’Euròpa. Daurim es nòsti armaris entà dar totes es vielhes colleccions que ja non usam pr’amor qu’auem mès deth que usam. Aguestes familhes, aguestes persones, an de besonh era nòsta ajuda, era nòsta solidaritat, e era dera rèsta de ciutadans d’aguest prumèr mon. Eth mes de hereuèr ei eth melhor mes entà hèr limpiesa d’armaris e caishes, eth mes de hereuèr auem d’ajudar ad aguestes persones que viuen sense arren a -18º.

Era Associacion Karaama se finance a trauès de donacions de ròba e cauçat, alimentacion, materiau escolar e donacions economiques d’empreses e particulars. Gràcies ara collaboracion dera Fondacion Seur, responsabla deth transpòrt d’aguestes donacions, era ajuda umanitària se liure en diferenti campaments de refugiats en Grècia, coma Kasitkas, Petra o Salonica, entre d’auti.

Ath delà, era Associacion Karaama en collaboracion damb Acción Directa Sierra Norte an realizat un magnific projècte entà dar de minjar caud as persones refugiades gràcies ath dessenh dera “mobil kitchen”. Aguesta “mobil kitchen” ei ua codina creada laguens d’un contienedor, ua aplicacion de dessenh sociau enfocat ath ben comun.

De forma parallela, pendent tota aguesta sason 16/17 i auràn d’auti eveniments entà celebrar aguest 40 anniversari tan especiau. Ja i a data entà es cites mès destacades, coma:

– GORE-TEX Haglöfs High Camp, deth 3 ath 5 de març. Dempús der exit d’est an passat, aguest pròplèu 2017, Copos torne a collaborar ath costat de GORE-TEX e Häglofs en eveniment GORE-TEX Häglofs High Camp. Se tracte d’un eveniment de tres dies damb fòrça activitats en plea natura a on es assistents dormissen en refugis de montanha e son instruïts pes melhors professionaus d’esquí. Er eveniment compde damb era participacion des esportistes de Häglofs, Joaquin Vena e Jonathan Larrañaga, ath delà dera preséncia dera equipa de guides de montanha Guide Val d’Aran.

– Peak Performance Girls Day, deth 10 ath 12 de març. Enguan se celèbre era tresau edicion d’aguest eveniment sonque entà gojates. Talhèrs e classes practiques sus esquí de dehòra de pista e de montanha, e charrades sus seguretat ena montanha seràn bèri uns des protagonistes d’aguest eveniment.

 

40 sasons ena Val d’Aran

Eth grop Copos ei ua empresa familhar e a era sua origina en an 1976 dera man de José Manuel Monge, fondador dera marca Copos. Era sua prumèra petita botiga dedicada as espòrts d’iuèrn se trobaue ena gessuda de Vielha, venie e logaue materiau d’esquí entàs qui passauen es sues vacances ena Val d’Aran.

Dempús, eth grop Copos creishec enquià arribar a çò qu’ei aué: un referent a nivèu estatau des espòrts d’iuèrn.

Aué eth grop Copos compde damb diuèrsi locaus especializats: Copos Mòda, mòda d’esquí damb es melhors marques deth sector der esquí; Copos Skicenter, eth melhor materiau dur e accessòris entàs espòrts d’iuèrn, mès un ample nivèu d’esquís de diferentes gammes e apte entà quinsevolh persona, e un talhèr d’apariament damb es maquines e robòts mès innovadors deth sector.

Ath delà, hè onze ans se creèc, Copos Skiclub e, posterioraments Copos School. Er objectiu de Copos Skiclub ei eth foment dera practica e er ensenhament der esquí, tant coma aficion coma competicion professionau.

Copos School siguec creada hè 9 ans e ei ua escòla qu’impartís diuèrses modalitats des espòrts d’iuèrn, coma er esquí aupin, snowboard e esquí nòrdic, entre d’auti. Aprendissatge e diversion van dera man ena filosofia d’aguesta escòla d’espòrts d’iuèrn qu’enguan arribe ath sòn 30 anniversari d’experiéncia.

Coma nauetat, aguest madeish an s’a presentat Copos Mountain, un nau concèpte d’espaci que fusione mòda e ròba tecnica entà cada dia. Copos Mountain compde en exclusiva damb es marques internacionaus Luis Trenker, Dale of Norway e Hub Footwear.

 

Es pilars deth grop Copos son: innovacion, dessenh e tecnica.
Era filosofia deth grop Copos materializada

 

Atau, vos convidam a hèr part d’aguest 40 anniversari tan especiau en quau toti amassa podem ajudar a cambiar era vida e era realitat de fòrça persones o, aumens, sajar de melhorar es sues condicions actuaus.

 

MÈS INFORMACION
Copos Skicenter Betren
Apartaments Elurra – 25539 Betren
+34 973 64 54 04
info@copos-ski.com

 

 

 

 

Vielha, 15 de hereuèr de 2017

 

Conselh Generau d’Aran: Núria Sanjuan

Hònt: Berta Monge S. / Obradora Multimedia

Comments are closed.