Vielha, 7 de junh de 2016.- Eth Conselh Generau d’Aran a trauès deth CEI Val d’Aran (Centre d’Empreses Innovadores), en collaboracion damb era Fondacion COELL, organize eth cors Comèrç electronic e Botiga Virtuau, que se realizarà pendent es mesi de junh e junhsèga. Eth cors se dirigís a professionaus e comerciants que volguen apréner naues tecnicianes digitaus entà melhorar eth rendiment deth sòn negòci o era sua activitat professionau.
Er objectiu deth cors ei apropar es desparières formes de comercializacion electronica, en tot dominar es paramètres entara venta en internet, e avalorar era incidéncia qu’a eth comèrç electronic entara economia globau e eth desvolopament empresariau. Eth cors se basarà enes següents ahèrs:
- Consideracions generaus
- Internet e era empresa
- Concèptes restacadi
Programacion:
Domenis 2.5 ores
- Qué ei un domeni?
- Entà qué servís un domeni?
- Qué ei un DNS?
- Exercicis practics
Lotjament entà un domeni 2.5 ores
- Qué ei eth lotjament entà un domeni?
- Aspèctes a auer en compde ara ora de contractar un lotjament entà un domeni
- Coma configurar eth nòste espaci entara Web, Blog, Botiga Virtuau
- Com crear compde de corrèu
- Com configurar un compde FTP entà enviar e descargar informacion en servidor de lotjament
- Qué ei ua basa de donades e com crear-la?
- Aspèctes tecnics deth servidor
- Exercicis practics
Corrèu electronic en nòste ordenador 5 ores
- Qué ei un gestor de corrèu?
- Obtier e installar eth gestor de corrèu
- Com configurar compdes de corrèu
- Configurar eth nòste libret de direccions (sincronizada damb Google Contacts)
- Preparar ua signatura atractiua damb eth logotip dera empresa e hilats ara web
- Exercicis practics
Sincronizacion d’archius 5 ores
- Com podem sincronizar archius en ordenadors desparièrs?
- Com podem obtier e installar eth programa de sincronizacion d’archius e dorsièr
- Configuracion deth programa en un o diuèrsi ordenadors
- Visualizacion de com se sincronizen es archius en diuèrsi dispositius
- Exercicis practics
Eth nòste prumèr Blog (WordPress) 5 ores
- Qué ei un Blog?
- Com obtier e installar un Blog
- Com configurar un Blog
- Com publicar un Blog en Internet
- Eth nòste prumèr post o article
- Exercicis practics
Era tua botiga virtuau (PrestaShop) 5 ores
- Entà qué mos pòt ajudar ua botiga virtuau
- Com obtier e installar ua botiga virtuau
- Com configurar totes es opcions dera botiga atau coma:
- Pujar articles
- Ahíger prètzi
- Metòdes de pagament
- Impòsti
- Pòrts
- Com publicar era botiga virtuau en Internet
- Exercicis practics
Tecniciana de Marqueting Online (petit introduccion ath SEO / SEM) 5 ores
- Conselhs de com publicar eth tòn negòci en Internet
- Com generar anóncies en Google Adwords
- Com enviar corrèus electronics as tòns soscriptors Mailing
- Claus entà posicionar eth tòn negòci enes principaus cercaires
Eth cors aurà lòc enes següentes dates e oraris:
Dies: 13, 14, 20, 21 de junh e 11,12 de junhsèga
Data Finau: 25 de junhsèga de 2016
Durada: 30 ores
Orari: deluns de 9:00 a 14:00 ores
Lòc: CEI Val d’Aran (Casau)
Es persones interessades en realizar eth cors, se pòden póner en contacte mejançant eth Telf. 973 232 166 o via email: mjfarre@coell.org