Cors sus vegetacion en zònes umides de nauta montanha

Vielha, 24 de juriòl de 2017.- Eth Conselh Generau d’Aran a trauès deth departament d’Agricultura, Ramaderia e Miei Naturau, organize un cors sus es diuèrsi tipes de vegetacion en zònes umides de nauta montanha.

panneu cors

Eth cors a coma objectiu conéisher es tipes de zònes umides de nauta montanha (estanhs, hanhasi e morassi) atau coma era sua vegetacion, entà observar es diuèrsi tipes de fauna e flòra especifica associada en aguesti lòcs, en tot auer en compde eth sòn ambient e estat de conservacion.

Eth cors consistís en ua gessuda eth pròplèu dimenge dia 30 de juriòl de 09:00 a 13.00 ores, en Pla de Beret. Eth cors serà impartit per Aaron Pérez, professor dera UB.

Totes es persones qu’agen interès per conéisher es ecosistèmes aquatics de nauta montanha pòden dirigir-se entath Conselh Generau d’Aran, telf. 973 64 18 01 o per corrèu electronic a g.vilo@ran.org

Comments are closed.