Vielha, 29 de març de 2018.- Eth CEI Val d’Aran de Casau, prepause eth pròplèu dijaus 19 d’abriu de 10:00 a 14:00 ores ua naua capsula formativa jos eth títol de “Creacion de botigues online damb WordPress + Woocommence”, a cargue d’Albert Calzada Ribalta, Dessenhaire e desvolopador web freelance, especializat ena plataforma WordPress. Licenciat en Dret e Graduat en Multimèdia damb era acreditacion de qualitat Euro-Inf dera European Quality Assurance Network for Informatics Education.
Es inscripcions entà participar en aguesta capsula formativa se pòden formalizar en www.ceivaldaran.org o en hilat corresponent dera web deth Conselh Generau d’Aran www.aran.org , e tanben en tot telefonar ath telf. 973 64 18 01.
Es capsules deth CEI Val d’Aran son gratuïtes e se dirigissen a totes es persones o enterpreses interessades en ampliar era sua formacion. Totes es persones inscrites auràn de portar eth DNI, NIE o fotocòpia deth document.
Es capsules formatives s’impartissen en CEI Val d’Aran de Casau, Plaça Naua, 1, e son organizades peth madeish CEI Val d’Aran e eth Conselh Generau d’Aran en collaboracion damb era Deputacion de Lhèida e GlobaLleida, damb eth supòrt deth Departament d’Enterpresa e Aucupacion dera Generalitat de Catalonha, Catalonha Emprèn e eth Hons Sociau Europèu.
