Era Deputacion de Lleida publiquèc eth passat dia 25 d’abriu en BOP de Lleida er anónci pet quau se met a crubament eth rebut en volontaria dera taxa de lordères des municipis dera Val d’Aran entath 2014, pendent eth periòde comprenut entre eth 2 de mai e eth 4 de junhsèga, ambdús includidi.

Eth Conselh Generau d’Aran des der an passat deleguèc eth crubament en via volontària d’aguesta taxa ar Organisme Autonòm de Recaptacion dera Deputacion de Lleida, causa qu’a supausat que tanben s’adòpten es periòdes crubament qu’er Organisme a establidi. Tanben servís entà optimizar era sua gestion e eth sòn crubament.

Damb aguesta delegacion, eth Conselh Generau d’Aran “vò arténher ua mielhora gestion des recorsi publics e centralizar en un organisme era cobrança de toti es impòsti e tributs en Aran. Atau tanben s’artenh era armonizacion entre eth crubament en període volentari e, en sòn cas, ena via executiua” en paraules de Luís Carlos Medina, conselhèr d’Administracion Publica, Finances e Coneishement.