Jos eth nòm de Musèus dera Val d’Aran s’amassen un totau de sies infraestructures museistiques gestionades dirèctament peth Conselh Generau d’Aran: Musèu dera Val d’Aran, Glèisa de Sant Joan d’Arties, Ecomusèu çò de Joanchiquet, Fabrica dera lan, Mòla de Salardú e Mina Victòria. Son petiti musèus qu’intervien e incidissen ath long deth territòri d’Aran tamb er objectiu d’explicar era istòria e es singularitats d’aguest país.
Eth Musèu dera Val d’Aran, actue coma sedença d’on a compdar d’ua presentacion d’Aran es visitaires anaràn coneishent toti es elements que la formen. Vò a èster ua autentica pòrta d’entrada entà descurbir eth país.
S’an musealizat espacis, com era Mina Victòria, e bastisses com era Fabrica dera Lan. Espacis e bastisses tamb uns valors hijuts, artistics e istorics, lòcs protagonistes dera istòria d’Aran. Er objectiu ei explicar era istòria aquiu a on passèc.