Eth Conselh Generau d’Aran a començat pendent eth mes de junhsèga es trabalhs de renovacion dera cobèrta deth creuèr e dera sacristia dera glèisa de St. Miquèu de Vielha. Es òbres, adjudicades tamb caractèr d’urgéncia pr’amor des filtracions d’aigua que dejà se produsíssen, an un còst de 75.440€ e an compdat tamb ua subvencion dera Direccion Generau de Patrimòni Culturau dera Generalitat de Catalonha.

Era intervencion prepause era substitucion des materiaus maumerents per auti de naui des madeishes caracteristiques, en tot conservar er aspècte e volumetria originaus, exceptat en voladís deth tet que se preten s’alongar-lo entà balhar ua melhor proteccion dera pluja as façades dera glèisa.