Vielha, 18 de junh de 2018.- Ja ei dubèrta era inscripcion dera Corsa Populara de BTT Lairissa Bike, organizada pera Associacion Es Paums.

Aguesta prumèra edicion se celebrarà eth dia 5 prumèr dimenge d’agost e aurà gessuda e arribada en Vilamòs (Val d’Aran).

Ei ua Corsa non competitiva ena que es que i participen poderàn optar per dus itineraris, un de cuert d’apuprètz 35 quilomètres e un de long d’apuprètz 55 quilomètres. Era Corsa que passe per parçans d’ua beresa extraordinària e circule per pistes e camins, des pòbles de Vilamòs, Arres e Bossòst. Eth desnivèu acumulat ei de 1.600 mètres.

CIRCUIT LONG:

Vilamòs-Arres de Jos-Arres de Sus-Direccion Bossost-Horcalh a Margalida-Margalida-Bassa d’Arres- Uishèra-Pleta de Solà-Mata d’Aquiu-Sant Miquèu- Vilamòs

CIRCUIT CUERT:

Vilamòs-Arres de Jos-Arres de Sus-Direccion Bossost-Horcalh a Margalida-Margalida-Bassa d’Arres- Arres de Sus- Vilamòs.

Eth prètz d’inscripcion qu’ei de 25€ en venda auançada e 20€ tàs sòcis dera Associacion Es Paums e ja se pòt formalizar en https://www.inscripcions.cat/lairissabike2018/formulari_inscripcio

Era Corsa que compde damb eth supòrt deth Conselh Generau d’Aran e es Ajuntaments d’Arres e Vilamòs ei organizada pera entitat sense ànim de lucre Associacion Es Paums, laguens dera sua programacion d’estiu ena qu’a previst d’auti actes coma IIIau Torneg de Tennis Taula de Vilamòs, Concèrt Corau Es Paoesses en Musèu Joanchiquet, Maitins Musicaus ena Residéncia, Concurs de Fotografía Tiò Natura e Cultura e Entronizacion dera imatge de Sant Ròc ena Glèisa de Santa Maria.