Eth pròplèu diuendres dia 22 de gèr de 2016 as 19 ores, organizat amassa peth Conselh Generau d’Aran e eth burèu de Representacion dera Comission Europèa en Barcelona, aurà lòc ena Sala de Premsa deth CGA eth debat jos eth títol Quina Euròpa vòs? Daurit ara participacion e ara opinion de tota era ciutadania.

En debat intervieràn Luís Carlos Medina, Vicesindic d’Aran e Ferran Tarradellas, director dera Representacion dera Comission Europèa en Barcelona.

Er objectiu ei méter en comun damb totes aqueres persones qu’ac desiren, es desparièrs punts de vista sus quin a d’èster eth camin d’Euròpa en futur que mos tòque a toti d’apròp.

Eth debat se centrarà enes següentes qüestions:

• Qué aurie de hèr era UE entà lutar contra eth cambiament climatic?
• Com podem es europèus liderar era revolucion digitau?
• Qué aurie de hèr era UE entà crear emplec?
• Com ac mos cau hèr entà que era UE sigue mès presenta ena scèna internacionau?
• De quina manèra auem d’afrontar eth rèpte dera immigracion?

Eth debat aurà lòc ena sala de premsa dera 3èra planta deth Conselh Generau d’Aran (Passeg dera libertat 16, Vielha), as 19’00h, jos eth títol de Quina Euròpa vòs? Eth debat e es aportacions ath madeish son dauridi a toti es quaus volguen participar.

Es opinions tanben se poderàn exprimir mejançant eth hastag #pensemEuropa.