Vielha, 13 d’abriu de 2016.- Eth Conselh Generau d’Aran aufrirà a compdar d’aguest mes d’abriu en CEI Val d’Aran de Casau, ua seria de seminaris de creacion d’empreses innovadores includides laguens dera programacion es “Dijaus Emprenedors en Hilat de Centres d’Empreses Innovadores”.
Atau, eth prumèr des seminaris aurà lòc eth pròplèu dijaus 21 d’abriu, a cargue de David Jorba, formador e motivador en intelligéncia emocionau e PNL (Programacion NeuroLingüistica). Eth seminari s’aufrirà en dues sessions, as 16 ores nivèu iniciau e as 18:30 ores nivèu auançat, damb eth títol de “Creativitat empresariau: ua mielhor optimizacion de recorsi”.
Pendent eth mes de mai, es Dijaus Emprenedors en CEI Val d’Aran, aufriràn naues prepauses dirigides a aportar coneishences sus era gestion des finances o er increment de ventes.
Es seminaris, an lòc en CEI Val d’Aran, Plaça Naua, 1. 25538 Casau. Es inscripcions, que son gratuïtes entà totes es persones interessades, se pòden formalizar a trauès deth corrèu: c.barra@aran.org o en tot trucar ath Conselh Generau d’Aran telf. 973 641 801.
Es Dijaus Emprenedors son organizadi peth Conselh Generau d’Aran, CEI Val d’Aran, Deputacion de Lhèida, GlobaLleida, e Ajuntament de Lhèida, damb eth supòrt deth Departament d’Empresa e Ocupacion dera Generalitat de Catalonha, Catalonha Emprèn e era Union Europèa a trauès deth Hons Sociau Europèu.
