- Des deth 26 de deseme de 2020 enquiath 9 de gèr deth 2021 demoraràn dubèrti diuèrsi equipaments patrimoniaus e glèises, abituaument barradi pendent aguestes dates
Aguesta iniciatiua ei un esfòrç conjunt des airaus deth Conselh Generau d’Aran: Torisme Val d’Aran e Musèus dera Val d’Aran, tamb era collaboracion deth Bisbat d’Urgelh, a fin d’ampliar era aufèrta culturau pendent aguestes hèstes de Nadau. Er aforament de toti es equipament e gléises demorarà limitat e se seguiràn totes es mesures sanitàries implementades pera Covid.
Es equipaments dubèrti segontes es oraris deth pannèu son tamb entrada liura e sense visita guidada:
- Glèisa de Santa Maria d’Arties
- Glèisa de Santa Eulària d’Unha
- Glèisa de Sant Fèlix de Vilac
- Glèisa de Sant Estèue de Betren
- Fabrica dera Lan de Vielha
- Mòla de Salardú
A mès d’aguesti equipaments, tanben son dubèrti ath public (veir oraris):
- Eth Musèu dera Val d’Aran, en Vielha
- Er Ecomusèu Çò de Joanchiquet de Vilamòs
- Eth Musèu dera Nhèu d’Unha.
Ath delà, son tanben dubèrtes e visitables es glèises dera Mair de Diu dera Purificacion de Bossòst, Sant Miquèu de Vielha, Santa Maria d’Arties (maitin) e Sant Andrèu de Salardú, excepte pendent es celebracions religioses.