- Aguest dissabte, 5 de març, entàs 20:30 ena Audiovisuau de Vielha aurà lòc era presentacion deth documentau “Drop in a Life” un documentau sus era vida esportiua deth rider aranés, Aymar Navarro.
Era Audiovisuau de Vielha acuelherà aguest dissabte, dia 5 de març, entàs 20:30 ores era presentacion deth documentau sus era vida esportiua deth rider aranés, Aymar Navarro: Drop In a Life.
Eth documentau a ua durada d’uns 50 menutes e compde damb aportacions d’amics e familhars que parlen e opinen sus era trajectòria esportiua d’Aymar, anecdòtes mentre gessen imatges d’aguesti darrèri 5 ans.
Aymar Navarro Combalié a manifestat “estreà’c ena Val d’Aran e poder ensenhar aguest gran trabalh qu’a hèt BumpyFilms damb era gent de casa ei tot un luxe”.
En documentau tanben gessen riders coma Suso Folgar, Adri Millan e eth guida de nauta montanha, Roger Lopez de Haro.
Aymar Navarro, signèc un convèni damb eth Conselh Generau d’Aran e Foment Torisme Val d’Aran entà promòir era destinacion toristica esportiua Val d’Aran peth mon, representada ena imatge e enes valors deth rider aranés.
Podetz veir eth trailer de “Drop in a Life”:
Vielha, 3 de març de 2016
Conselh Generau d’Aran: Núria Sanjuan