Dubèrta era convocatòria entàs ajuts “Leader”

  • Es ajuts “Leader” van destinadi ara creacion, ampliacion e milhora d’empreses e ajuntaments e se pòden demanar enquiath 15 de gèr de 2020

Dejà ei dubèrta era convocatòria entàs ajudes europèes “Leader”, des que se poderàn beneficiar totes es empreses e ajuntaments dera Val d’Aran interessadi en impulsar un projècte empresariau generador d’activitat economica.

Eth Departament d’Agricultura, Ramaderia, Pesca e Alimentacion (DARP) dera Generalitat de Catalonha, seleccionec 11 Grops d’Accion Locau (GAL) Leader, entà aplicar eth desvolopament locau participatiu Leader en marc deth Programa de Desvolopament Rurau ( PDR) de Catalonha 2014-2020.

Un des objectius principaus des GAL ei era dinamizacion territoriau e era divulgacion des sòns projèctes mès estrategics e bones practiques, amassa damb era gestion des ajudes, que convòque annauments eth DARP entà fomentar era realizacion d’inversions que genèren activitat economica enes zònes ruraus e fomenten era creacion e/o mantenença de lòcs de trabalh, principauments de hemnes e de joeni, en accions de melhora des procèssi de transformacion e comercializacion des productes agraris, creacion e desvolopament de microempreses, foment d’activitats toristiques, e conservacion e melhora der auviatge rurau.

Eth termini de presentacion des ajudes finalizarà eth 15 de gèr de 2020. Es persones interessades se pòden informar sus aguestes subvencions auràn de demanar ora damb Judit Jaquet ena sedença deth Conselh Generau d’Aran o ben per correu (j.jaquet@aran.org) o en tel. 973 64 18 01.

Comments are closed.