• Se poderàn realizar ena plana web oficiau dera corsa enquiath 30 de gèr de 2022 e de forma presenciau er 1 d’hereuèr

 Dempús d’un an ajornada pr’amor dera pandemia, s’apòpe nauament era celebracion dera 42au edicion dera Marxa Beret, organizada peth Conselh Generau d’Aran e era estacion d’esquí Baqueira Beret, qu’aurà lòc era dimenjada deth 4 ath 6 de hereuèr de 2022.

Dejà son dubèrtes oficiaument es inscripcions a trauès dera plana web dera Marxa Beret e es interessats e interessades poiràn realizar-les enquiath 30 de gèr telematicament. Ath delà, er 1 d’hereuèr se poiràn realizar es inscripcions presenciaus ena Sala d’Inscripcions.

Cau rebrembar qu’eth prètz dera inscripcion aumentarà segontes s’apròpe era data de realizacion der eveniment.

Era Marxa Beret ei ua des pròves d’esquí nordic mès assolidades que se realizen en territòri nacionau e que cada an compde damb ath torn de 1.000 participaires de tota Euròpa.

Aguesta hèsta der esquí de hons començarà en Beret eth dissabte 5 d’hereuèr damb er Sprint Salomon, eth Campionat d’Espanha d’Esprint.

Eth dia 6 d’hereuèr se realizarà era 42au edicion dera Marxa Beret enes distàncies de 42, 21 e 10 kilomètres. Aguesta competicion formarà part dera Copa España de longa distància.

Es interessadi e interessades pòden trapar tota era informacion ena plana web oficiau dera corsa.