Dubèrtes es inscripcions entara 7au Corsa dera Hemna

 

  • Aguesta corsa popular aurà lòc eth dia 8 de març entà commemorar eth Dia Internacionau dera Hemna e barrarà tota ua setmana d’actes organizadi peth govèrn deth Conselh Generau d’Aran

Eth Conselh Generau d’Aran, a trauès deth Servici d’Informacion e Atencion ara Hemna (SIAH), en collaboracion damb eth Conselh Esportiu dera Val d’Aran e era Associacion Volentaris Val d’Aran, e damb eth supòrt der Ajuntament de Vielha e Mijaran e er Institut Catalan des Hemnes, a organizat era 7au Corsa dera Hemna dera Val d’Aran, qu’aurà lòc eth pròplèu dimenge, 8 de març, tàs 11 ores.

Aguesta corsa barrarà era setmana qu’eth govèrn aranés organize entà commemorar eth Dia Internacionau dera Hemna damb un ampli ventalh d’activitats entà totes e toti.

Era Corsa dera Hemna ei ua competicion populara de 5 km que trauèsse eth pòble de Vielha e que se pòt hèr en tot córrer o caminar. Era gessuda serà tàs 11 deth maitin des dera Plaça d’Aran e, coma tostemp, i aurà set categories: Absolutes hemnes, juvenil, senior, master 30, master 40, master 50 e absolts òmes.

Es inscripcions dejà se pòden realizar online e se poderàn realizar tanben de forma presenciau es dies 6 e 7 de març de 17 a 20 ores ena Plaça deth Conselh Generau d’Aran, a on tanben se poderàn remassar es dorsaus e era samarreta oficiau dera corsa. Eth prètz dera inscripcion ei de 3 euròs.

Link entàs inscripcions online: https://inscripcions.cat/corsaderahemna2020

Comments are closed.