Dubèrtes es inscripcions entath cors deth nivèu C1 d’aranés deth Conselh Generau d’Aran

gèr 13, 2021 Cultura, Govèrn

  • Pr’amor dera situacion sanitària actuau, pendent aguest cors se mantierà eth format de classes online, que començaràn dimars, 19 de gèr

Eth Conselh Generau d’Aran a dubèrt dejà es inscripcions entath nau cors deth nivèu C1 (antic nivèu D) d’aranés ena Val d’Aran. Enguan, pr’amor dera situacion sanitària ena que mos trapam, se mantierà eth format de classes online.

Es places entad aguest cors son limitades e ei de besonh realizar era inscripcion abans deth 18 de gèr. Entà inscriuer-se ei de besonh compdar damb eth nivèu B2 (antic C).

Eth cors serà impartit pes professors Miquèu Segalàs e Jordi Suïls, dimars e dimèrcles de 18:00 a 20:00 ores. Era pròva entà obtier eth nivèu se realizarà eth 30 de junh, e ei obligatòria era assisténcia ath 80% des classes.

Eth prètz generau dera matricula ei de 52 euròs, entath personau dera administracion e foncionaris ei de 26 euròs, e entàs estudiants/es empadronadi en Aran, es majors de 65 ans e persones en situacion de caumatge, era inscripcion d’aguest cors ei de franc.

DEJÀ NON SE PÒDEN REALIZAR MÈS INSCRIPCIONS PR’AMOR QU’ETH CORS EI COMPLÈT.

Comments are closed.