Dubèrtes es inscripcions tara 26au Corsa e Caminada des 15 Pòbles

junhsèga 15, 2023 Espòrts

  • Un an mès, eth dimenge, 27 d’agost, arribe aguesta corsa e caminada damb es cinc modalitats tradicionaus! Es inscripcions online seràn dubèrtes enquiath 24 d’agost e i aurà tanben inscripcions presenciaus ena Plaça d’Aran es dies 25 e 26 d’agost

Un an mès, arribe era Corsa e Caminada des 15 pòbles, qu’aguest pròplèu dimenge, 27 d’agost, celèbre era sua 26au edicion.

Es inscripcions son dejà dubèrtes entà totes aqueres persones interessades en realizar aguesta pròva e se poderàn hèr online a trauès dera plana web dera corsa enquias 23:59 ores deth 24 d’agost e tanben de forma presenciau en Banc Sabadell de Vielha enquias 14:00 ores deth madeish dia. I aurà tanben inscripcions presenciaus ena Plaça d’Aran eth 25 d’agost, de 17:00 a 20:00 ores,  e eth 26 d’agost, de 10:00 a 13:00 e de 17:00 a 20:00 ores.

Ei imprescindible qu’es inscrits presenten eth document de responsabilitat, en cas des menors d’edat aurà d’èster signat pes pairs o tutors legaus, eth dia dera remassada de dorsaus entà poder participar.

En aguest eveniment esportiu i a un totau de cinc modalitats diferents. Eth track de cada ua d’eres se pòt consultar ena web.

Caminada 15 km

  • 830 m de pujada e 730 m de baishada
  • Gessuda tàs 09:00 des de Es Bòrdes
  • Prètz inscripcion: 20 euròs

Caminada 5 km

  • 200 m de baishada
  • Gessuda tàs 11:00 ores des de Montcorbau
  • Prètz inscripcion: 10 euròs

Corsa 11 km- Trofèu Arturo Riba

  • Corsa de 11,2 km damb un desnivèu positiu acumulat de 520 m
  • Gessuda tàs 09:00 des d’Es Bòrdes
  • 2 pujades fòrtes
  • Temps maxim entà completar era corsa: 4 ores
  • Avitualhaments en Pònt d’Arròs, Betlan e en mèta
  • Dificultat tecnica: 5 sus 10
  • Prètz inscripcion: 20 euròs

Corsa des 15 pòbles

  • Corsa de 21,5 km
  • Gessuda tàs 09:00 des d’Es Bòrdes
  • 1300 m de pujada e 1200 m de baishada
  • Temps maxim entà completar era corsa: 5 ores
  • 3 pujades fòrtes
  • Avitualhaments en Arres, Vilamòs, Pònt d’Arròs, Vila, Betlan, Mont e en mèta
  • Prètz inscripcion: 25 euròs

Corsa- Trofèu Roland Giné

  • Corsa juvenila de montanha de recorregut cuert. 5 km, 200 m de baishada
  • Se pòden inscríuer (damb autorizacion des pairs/ tutors legaus) es gojats e gojates d’entre 6 e 17 ans
  • Gessuda tàs 11:00 en Montcorbau
  • Prètz inscripcion: 10 euròs

Era classificacion e mesura de tempsi d’aguestes pròves se realize mejançant eth sistèma de chip, per tant, eth sòn emplec ei obligatòri.

Comments are closed.