Eth XIX Trofèu Amics de Montgarri organizat peth CAEI a estat era dusau des 6 competicions previstes entad aguesta sason deth circuit Audi quattro Cup d’esquiaires ena categoria U12/10.
Enquia 315 esquiaires de mès de 30 clubs de diferenti punts d’Espanha participèren en Super-G deth dissabte 13 de hereuèr en ua jornada de competicion damb fòrça solei a on se viueren moments d’emocion e un gran ambient ena zòna d’arribada dera pista Stadium, en Beret.
Eth dia se lheuèc damb fòrça bromes mès menutes abans des 10 deth maitin, ora qué gessec era prumèra esquiaira U12, eth solei comencèc a lusir e acompanhèc pendent tot eth maitin.
Ua jornada de competicion que forme part dera 8au edicion deth circuit d’esquí aupin U12/10 Audi quattro Cup, laguens deth calendari oficiau dera RFEDI, e ena quau es familhes e companhs de toti es clubs participaires vibrèren e acompanhèren a toti es esquiaires pendent es quate ores que durèc era competicion maitiau.
Es joeni esquiaires (entre 9 e 12 ans) participauen ena pista Stadium qu’ère en excellentes condicions gràcies ar esfòrç e implicacion deth club organizador, eth CAEI, e dera equipa dera pròpia estacion de Baqueira Beret. Ena arribada podien renauir fòrces e gaudir damb era degustacion damb bolhon caud Aneto, embotits La Selva e chicolates Milka.
Resultats oficiaus des XIX Amics de Montgarri – Audi quattro Cup 15-16
Super -G
Categoria U12 hemnes
1 June Garitano CEJCA (Aragon) 52.57
2 Paloma Antunez CERLER (Aragon) 53.12
2 Berta Suau, GRANUEC (Catalonha) 53.12
Categoria U12 òmes
1 Aniol Torres GRANUEC (Catalonha) 50.75
2 Marçal Mestres GRANUEC (Catalonha) 52.81
3 Bruno Chalbaud CAEI (Catalonha) 52.89
3 Nil Santiveri CET (Catalonha) 52.89
Categoria U10 hemnes
1 Clarita Crespo (Chile) 53.41
2 María Martínez CEJCA (Aragon) 54.69
3 Nikole Arriola AISC (Catalonha) 55.95
Categoria U10 òmes
1 Bruno Martín MITICO (Madrid) 54.99
2 Victor Puente CAEI (Catalonha) 55.00
3 Neo Cercós UNOMA (CAB) 56.06
Diversion damb ua grana hèsta en Palai d’Espòrts de Vielha
Entàs 17:30 ores es mainatges comencèren a entrar en Pabalhon d’Espòrts qu’en pòques menutes s’aumplic enquiath drapèu. Auien desfilat peth centre de Vielha mès de 30 clubs qu’an participat en aguesta competicion Audi quattro Cup, era dusau deth calendari d’aguesta sason.
Fòrça activitats organizades pera empresa d’eveniments Unit Elements heren que grani e petiti se divertissen en tot arrebrembar damb emocion es experiéncies deth maitin ena competicion a trauès deth vidèo resumit que se vedie ena pantalha giganta deth scenari.
Joguèren damb era wii, escotant condes ena zòna d’Audi Financial Services, en tot hèr-se fòtos de rebrembe en photocall d’Audi e en tot dessenhar es sòns pròpris esquís damb Atomic.
Ua des nauetats en aguesta hèsta siguec era activitat de realitat virtuau damb Oculus, a on es joeni esportistes gaudiren de valent mentre sentien ena sua pròpia pèth era emocion de hèr un descens per ua pista a tota velocitat.
Es mès petiti se divertien e aprenien mentre jogauen damb es jòcs didactics d’Educa e tot eth public podec gaudir d’ua deliciosa degustacion de productes dera man de La Selva, Caves Ferret, Aneto, Milka e eth provedidor de càtering de Unit Elements, Mas Ros.
Entàs 18:30 ores comencèc eth liurament de medalhes ena quau es 12 mainatges e mainades damb melhors resultats en cada categoria vederen arreconeishut eth sòn esfòrç mentre eth public present les apiejaue e aplaudie.
Liurèren es medalhes autoritats locaus e deth mon der espòrt e era nhèu coma May Peus, president dera Reiau Federacion Espanhòla Espòrts d’Iuèrn (RFEDI), que viuec en prumèra persona era competicion deth maitin en Baqueira Beret.
Li acompanhèren en despartiment de prèmis Blanca Tasias, presidenta deth CAEI; Pepe Soler Roig, responsable de patrocinis d’Audi; Luis Carlos Medina, vicesindic e conselhèr d’Espòrts d’Aran; Alberto López, còsso de Joenessa e Espòrts de Vielha; Xavi Ubeira, director comerciau de Baqueira Beret e Víctor Castelló, product manager d’Atomic.
Dempús deth liurament de medalhes siguec eth torn dera tòia de prèmis a on se liurèren diuèrsi regals dera man d’Atomic.
Era hèsta finalizèc entre un bon ambient e fòrça bon sabor de boca entara següenta pròva deth circuit Audi quattro Cup, eth dissabte 20 de hereuèr en Astún.
Vielha, 15 de hereuèr de 2016
Conselh Generau d’Aran: Núria Sanjuan
Informacion facilitada per: Comunicacion RFEDI
Fotos: Anna Tur – Phototur