• Eth joen esportista aranés deth CAEI se tròbe en Top 50 deth classament FIS Mondiau Júnior d’eslalom.

Eth corredor d’esquí aupin aranés deth CAEI, Álex Puente Tasias, especialista en GS, a artenhut plaçar-se entre es 50 melhors esquiaires deth mon ena categoria júnior. Álex se tròbe ena 50au plaça.

Era sason 2014/2015, eth joen aranés artenhec era 19au posicion enes Campionats deth Mon Júnior de Gigant en Hafjell e demorèc 7au en GS dera Universiada Sierra Nevada Granada’15.

Álex se tròbe concentrat en glacièr soís, Saas Fee, damb era RFEDI en tot realizar eth sòn entrenament d’ostiu.

En paraules deth vicesindic d’Aran e conselhèr d’Espòrts, Luis Carlos Medina, “ei un orgulh veir era magnifica evolucion esportiua d’Álex Puente. Arribar a on eth se trape ei eth prèmi ath sòn trabalh e esfòrç, seguiram sajat èster ath sòn costat e dar-li tot eth nòste supòrt”.

Eth Conselh Generau d’Aran signèc un convèni de patrocini damb er esquiaire professionau aranés Álex Puente, entà promòir era destinacion toristica esportiua Val d’Aran peth mon, representat ena imatge e enes valors der esportista, e dera equipa deth que hè part, mejançant eth patrocini institucionau.