Er actuau president dera Reau Federacion Espanhòla Espòrts d’Iuèrn, May Peus España, arrecebec era medalha de bronze peth sòn prumèr an de gestion dera RFEDI.

Tanben arrecebec era reconeishença ath sòn trabalh, era estacion quinquagenària dera Val d’Aran, Baqueira Beret.

         Xavi Ubeira, director comercial de Baqueira Beret, e May Peus, president dera RFEDI.

Er aranés, May Peus España, president dera Reau Federacion Espanhòla Espòrts d’Iuèrn (RFEDI) e era estacion d’esquí dera Val d’Aran que complic 50 ans era passada sason, Baqueira Beret, arreceberen ager, 14 d’octobre, era Medalha ath Merit Esportiu qu’autrege eth Govèrn d’Espanha, a trauès deth Conselh Superior d’Espòrts.

Eth multitudinari acte, celebrat en Musèu Nacionau Centre d’Art Reina Sofia, siguec presidit peth ministre d’Educacion, Cultura e Espòrt, Íñigo Méndez de Vigo, e peth president deth Conselh Superior d’Espòrts, Miguel Cardenal (CSD).