Er aranés Tòn Cónsul Vivar e Alexanne Bouillon artenhen era minima mondiau junior en Programa cuert deth Bavarian Open

  • Tòn Cónsul e Alexanne Bouillon se tròben a Oberstdorf (Alemanha) en tot disputar era competicion internacionau: Bavarian Open.
  • Eth dimenge, 19 de hereuèr, realizaràn eth Programa long e s’artenhen era minima mondiau junior (30 punts) seràn es representants espanhòus en parelhes eth Taipéi eth pròplèu mes de març.

 

tòn e alexanne

 

Enquiath 19 de hereuèr Oberstdorf (Alemanha) acuelh eth campionat internacionau de patinatge artistic sus gèu: Bavarian Open, a on era parelha formada per aranés, Tòn Cónsul Vivar e Alexanne Bouillon, luten entà arténher es minimes tecniques que les pòrten ath Campionat deth Mon Junior que se disputarà eth pròplèu mes de març en Taipéi.

Aué, en Programa Cuert deth Bavarian Open, Tòn e Alexanne an realizat un programa net damb doble split twist nivèu 1, excellent doble axel parallel, elevacion grop 5 de nivèu 4 un shinhau imprecisa, espirau dera mòrt interiora ath darrèr de nivèu 3, doble toe lançat, sèria de passi de nivèu 3 e pirueta en parallel de nivèu 4 damb ua petita desincronia. An compensat era extrèma simplicitat deth lançat, damb nauti nivèus ena rèsta d’elements e ua bona execucion. An obtengut era minima mondiau junior de sobres, pr’amor qu’auien de besonh 20 punts tecnics e an obtengut 26,18 entà un totau de 45,73 que les a portat ara cincau posicion.

Eth dimenge, 19 de hereuèr, realizaràn eth Programa long e s’artenhen era minima mondiau junior (30 punts) seràn es representants espanhòus en parelhes en Taipéi eth pròplèu mes de març.

Tòn, signèc un convèni damb eth Conselh Generau d’Aran e Foment Torisme Val d’Aran entà promòir era destinacion toristica esportiua Val d’Aran peth mon, representada ena imatge e enes valors deth joen patinador, e dera equipa que hè part, mejançant eth patrocini institucionau.

 

 

 

 

Vielha, 17 de hereuèr de 2017

 

Conselh Generau d’Aran: Núria Sanjuan

Hònt e foto: Hielo Español

Comments are closed.