• Pendent era setmana deth 6 ath 10 de noveme, er Archiu a organizat tot un seguit d’activitats dubèrtes a toti es publics e de franc entà commemorar es sòns 25 ans d’istòria

Er Archiu Generau d’Aran hè enguan 25 ans e entà celebra’c, pendent era setmana deth 6 ath 10 de noveme s’an organizat un seguit d’activitats dubèrtes a toti es publics e gratuïtes.

De deluns a diuendres entàs 11 ores, se poirà visitar era sedença der Archiu, era Casa deth Senhor d’Arròs, e es exposicions qu’acuelh actuaument, era de 25 ans der Archiu Generau e era Colleccion de Litografies deth sègle XIX de Claudi Aventín Boya. Entà mès informacion se pòt contactar damb er Archiu en telefòn 973 64 25 69 o en email acvallaran.cultura@gencat.cat.

Eth deluns, 6 de noveme, entàs 18:00 ores, er Archiu acuelherà ua trobada deth club de lectura de documents antics e eth dijaus, 9 de noveme, entàs 18:00 ores s’amiarà a tèrme era presentacion deth Quadèrn Num. 3 der Archiu sus Çò de Joanchiquet, qu’aurà lòc en Ecomusèu de Vilamòs.

Era setmana que ven, apròpa-te e visita er Archiu Generau d’Aran e coneish mès sus era nòsta istòria e cultura!