Er Institut d’Estudis Aranesi-Acadèmia Aranesa dera lengua occitana s’amasse damb president dera Generalitat de Catalonha, Carles Puigdemont

foto Jordi Bedmar 03

Foto: Jordi Bedmar. Generalitat de Catalunya.

 

Er Institut d’Estudis Aranesi-Acadèmia Aranesa dera lengua occitana assistic eth diuendres, 25 de noveme, tà ua amassada en  damb president dera Generalitat de Catalonha, Carles Puigdemont.

Es membres que s’amassèren en Barcelona en Palai dera Generalitat damb eth President dera Generalitat sigueren: eth president der IEA-AALO, Jusèp Loís Sans, era vicepresidenta der IEA-AALO, Angelina Cases, era secretària der IEA-AALO, Ròsa Ma. Salgueiro e eth president dera Seccion aranesa der IEA-AALO, Jèp de Montoya.

 

foto Jordi Bedmar 02

Foto: Jordi Bedmar. Generalitat de Catalunya.

 

En desvolopament dera amassada se hèc era presentacion der Institut d’Estudis Aranesi-Acadèmia aranesa dera lengua occitana, en tot explicar era sua estructura, es membres que la compòsen, eth procés de creacion, era forma de trabalh,…

Era Acadèmia tanben expausèc ath President dera Generalitat es principis der Institut d’Estudis Aranesi-Acadèmia aranesa dera lengua occitana, per miei dera Declaracion de 8 de junhsèga de 2016. Se mantenguec ua reflexion conjunta sus eth papèr der aranés en Catalonha e sus era sua interrelacion damb era lengua catalana. Tanben aueren un debat sus era possibilitat qu’era proteccion der aranés està dant a Catalonha de presentar-se coma un territòri, damb ues estructures politiques que desvolòpen un tractament absolutament respectuós damb ua minoria, en tot crear un exemple mondiau.

Un viatge metuts en antecedents era direccion dera Acadèmia aprofitèc entà presentar ath President dera Generalitat es publicacions der Institut d’Estudis Aranesi-Acadèmia aranesa dera lengua occitana, entre es quaus: era Gramatica basica der occitan aranés e es normes ortografiques der occitan estandard

Eth President der IEA-AALO comuniquèc ath President dera Generalitat qu’era Acadèmia recep ena actualitat e des deth començament, un bon tracte per part deth Conselh Generau d’Aran e dera Generalitat de Catalonha, especiauments des Departaments de Cultura, Ensenhament e Justícia. Es dues institucions an trabalhat de comun acòrd ena potenciacion dera Acadèmia aranesa dera lengua occitana.

Er IEA-AALO demanèc ath President dera Generalitat que les ajude ena internacionalizacion dera Acadèmia per miei dera inclusion en estructures dera Generalitat qu’an ua dimension internacionau.

Eth president dera Generalitat, Carles Puigdemont, s’ interessèc fòrça pera Acadèmia e expliquèc era importància qu’a entà Catalonha, demostrèc qu’ei un bon coneishedor dera cultura e dera realitat occitana e manifestèc tot eth supòrt de besonh entà potenciar era institucion.

 

 

 

 

Vielha, 26 de noveme de 2016

 

Conselh Generau d’Aran: Núria Sanjuan

Informacion facilitada per: Institut d’Estudis Aranesi-Acadèmia Aranesa dera lengua occitana

Comments are closed.