Era ACA consigne 132.000€ ath Govèrn d’Aran entà melhorar eth sistèma de sanejament des aigües residuaus dera Val d’Aran

GARONA- LES (Ostau dera Nhèu) 1

 

Era Agéncia Catalana dera Aigua (ACA) a confirmat era consignacion pressupostària de 132.000€ entà per’mor qu’eth Conselh Generau d’Aran a trauès dera empresa explotadora des depuradores araneses execute es següentes òbres de melhora priorizada des deth Govèrn d’Aran:

LES: Restauracion deth collector de creuament der arriu Garona existent ara nautada der Ostau dera Nhèu. En aguest punt tanben se bastirà ua esculhèra inclinada qu’aurà dues foncions:

1a) Contencion deth collector.

2a) Rampa que permeterà era connectivitat deth pas des trueites e tanben serà un element fòrça mès segur pera practica deth ràfting en aguest punt, en tot eliminar eth saut verticau e era tolha qu’en aguest moment existís.

AUBÈRT: Apariament derm esbauçament existent ena pista d’accès ath bòsc de Baricauba ara nautada der horcalh deth camin reiau. Aguest en•honsament en miei dera pista ère un perilh entàs usatgèrs e tanben un possible punt d’afectacion dera canerada principau d’aigües residuaus pera depuradora d’Aubèrt.

UNHA: Reconstruccion deth mur de contencion der entorn deth “bombeig”.

Garona-LES (Ostau dera Nhèu)

 

En paraules deth sindic d’Aran, Carlos Barrera “damb aguestes tres accions demoraràn resolvudes es darrères afectacions produsides pes aiguats deth 2013 en sistèma de sanejament des aigües residuaus dera Val d’Aran”.

Comments are closed.