Era brigada de servicis deth Conselh Generau realize trabalhs de neteja e desinfeccion enes pòbles d’Aran

  • Mentre dure era emergéncia sanitària peth COVID-19, era brigada de servicis deth Conselh realizarà aguest trabalh entà dar servici as pòbles que non compden damb es mieis de besonh e entà dar supòrt as diuèrses brigades municipaus 

Eth govèrn deth Conselh Generau d’Aran a iniciat, a trauès dera sua brigada de servicis, era neteja e desinfeccion des zònes publiques de diuèrsi pòbles aranesi, entà, per un costat dar servici ad aqueri pòbles que non compden damb es mieis de besonh e, per aute, dar supòrt as diuèrses brigades municipaus.

Atau donc, aguest maitin s’a començat per Bausen e Pontaut e pendent era setmana se contunharà en d’auti, a on tanben se desinfectaràn es marquesines des autobusi.

En aguest sens, tanben s’informe qu’aguesta neteja s’amiarà a tèrme pendent dure era emergéncia sanitària peth coronavirus COVID-19.

Comments are closed.