Era equipa nacionau de patinatge artistic sus gèu individuau e de parelhes se concentrarà ena Val d’Aran

Era concentracion se realizarà ena pista de gèu de Vielha (Palai de Gèu) deth 18 ath 23 de deseme.

Se concentraràn patinadors dera talha de Javier Fernández (campion deth Mon eth 2015 e 2016, quate còps campion d’Euròpa eth 2013, 2014, 2015, 2016 e diuèrsi còps campion d’Espanha enes categories juveniles e veteranes)

Tanben i serà era joena promesa aranesa, Tòn Cónsul Vivar.

 

tòn e alexane concentracion

 

Segons a informat era Federacion Espanhòla d’Espòrts de Gèu (FEDH) convòque era Concentracion dera Equipa Nacionau de Patinatge Artistic d’Individuau e de Parelhes 2016.

Era concentracion se realizarà ena pista de gèu de Vielha (Palai de Gèu), en finalizar eth Campionat d’Espanha Absolut 2016, e durarà enquiath 24 de deseme. Era planificacion ei era següenta:

-Concentracion a compdar deth 18 de deseme pera tarde
-Entrenaments deth 19 ath 22 de deseme
-Traslat a Jaca eth 23 peth maitin entà participar en ua Gala. -Dia 24 peth maitin tornada tà casa.

Era entrenadora que condusirà es entrenaments serà era entrenadora canadiana MANNON PERRON.

Eth Tecnic Controller e Jutge ISU que revisarà es programes e trabalharà damb es entrenadors serà DANIEL DELFA.

Era Federacion Espanhòla d’Espòrts de Gèu pagarà er otèl e manutencion des esportistes convocadi ara concentracion, atau coma eth traslat des madeishi tà Jaca entà participar ena Gala. Eth desplaçament de tornada tà casa des esportistes se concretarà en foncion dera participacion ena Gala.

 

javier fernández

 

 

Es esportistes convocadi ara concentracion son: CATEGORIA

SENIOR MASCULIN

– Javier Fernández
– Felipe Montoya
– Javier Raya

CATEGORIA SENIOR FEMENIN

– Sonia Lafuente
– Marta García

CATEGORIA SENIOR PARELHES

– Aritz Maestu y Pareja

CATEGORIA JUNIOR MASCULIN

– Héctor Alonso
– Aleix Gabara

CATEGORIA JUNIOR FEMENIN

– Valentina Matos
– Laura Barquero

CATEGORIA JUNIOR PARELHES

– Dorota Broda & Pedro Betegón
– Tón Cónsul & Alexanne Bouillon

 

Es entrenadors des esportistes convocadi tara concentracion queden convidadi a participar enes entrenaments e charrades que se desvolopen pendent era concentracion en Vielha.

 

 

 

Vielha, 18 d’octobre de 2016

 

Conselh Generau d’Aran: Núria Sanjuan

Hònt: FEDH

Comments are closed.