Lydia Iglesias, membre deth Programa de Tecnificacion dera FCEH, ei era actuau campiona d’Espanha absoluta d’esquí de hons ena modalitat de classic.

En un comunicat dera Real Federación Española de Deportes de Invierno (RFEDI), en tot tier en compde es resultats esportius obtengudi pendent era passada sason, e en tot considerar era sua projeccion esportiua de futur, Lydia Iglesias a estat seleccionada pes responsables tecnics dera RFEDI entà integrar-se as sues estructures esportiues

Era aranesa, Lydia Iglesias, membre deth Programa de Tecnificacion dera Federació Catalana d’Esports d’Hivern (FCEH) ena Seu d’Urgell e actuau campiona d’Espanha absoluta d’esquí de hons ena modalitat de classic, se tròbe motivada pera notícia “sò fòrça contenta e damb fòrça desir de començar a trabalhar damb era equipa. Sabi que me demore fòrça de trabalh tecnic e entrenaments entà hèr, mès sò fòrça motivada e arregraïda qu’agen compdat damb jo”.

Vielha, 5 de mai de 2016

Conselh Generau d’Aran: Núria Sanjuan

Hònt: FCEH