• Deth 3 ath 11 d’octobre, era joena aranesa, Lydia Iglesias, amassa damb es auti cinc hondistes júnior escuelhudi se desplaçaràn a Ramsau am Dachsctein (Àustria) entà ua concentracion ena nhèu e disputaràn eth 37au Gran Prix Sportful de Rollerski en Pedavena (Itàlia).
• Era seleccion des esportistes se decidic dempús deth tèst realizat ena Seu d’Urgell, deth 17 ath 20 de seteme.
Era Real Federación Española Deportes de Invierno (RFEDI), realizèc un stage fisic, a mejans de seteme ena Seu d’Urgell, damb er objectiu de seleccionar hondistes entara pròplèu concentracion ena nhèu en glacièr de Ramsau (Àustria) e entara competicion de rollerski que se celebrarà en Itàlia.
En aguesta quatau accion entad esquí de hons espanhòu qu’organize era RFEDI, es esportistes amiaràn a tèrme un microcicle d’entrenament especific ena nhèu en glacièr austrian ath costat dera Equipa Nacionau d’Esquí de Hons. Ath delà, es hondistes participaràn, eth 4 d’octobre, ena 37au edicion deth Gran Prix Sportful Rollerski de Pedavena en Passi Croce d’Aune.
Un totau de 3 gojats e 3 gojates d’entre 16 e 22 ans se guanhèren era plaça entà entrenar damb eth maximal representant der esquí de hons espanhòu e component dera equipa RFEDI, Imanol Rojo.