• Es distàncies dera 44au Marxa Beret, qu’aurà lòc aguesta dimenjada, s’an auut d’adaptar pr’amor des nautes temperatures entà poder aufrir era melhor alternativa possible as persones inscrites

Deuant es circumstàncies actuaus, era 44au edicion dera Marxa Beret, organizada peth Conselh Generau d’Aran e Baqueira Beret, aurà d’adaptar es sues distàncies as condicions actuaus.

Atau e coma des dera organizacion s’a trasladat as persones inscrites, s’an dessenhat naui recurruts entàs diferents distàncies:

• Mini Marxa Beret (5km): circuit peth Plan de Beret.
• 10 km: se manten eth madeish circuit qu’enes darrèri ans (Plan de Beret + Zòna Òrri).
• 21 km: s’adapte a un circuit de 13,5km + un torn ath circuit de 5km
• 42 km: passen a hèr-se 32 km en tot dar dus torns ath circuit de 13,5 km e un torn ath circuit de 5 km.

Rebrembam qu’es inscripcions presenciaus poiràn amiar-se a tèrme es dies 2 e 3 de hereuèr en Conselh Generau d’Aran.