Era net des Murguetes e Eth nin des Arrats Dromilhèrs

Eth 18 e 19 d’agost auràn lòc aguestes activitats de descobèrta e reconeishement des espècies de micromamifèrs dera Val d’Aran.

Vielha, 7 d’agost de 2017.- Un an mès, eth Conselh Generau d’Aran a trauès deth sòn Departament d’Agricultura, Ramaderia e Miei Naturau a organizat dues activitats, tà petiti e grani, entà descorbir e reconéisher es murguetes, arrats dromilhèrs e d’auti micromamifèrs dera Val d’Aran en tot apréner eth metòde d’estudi scientific d’aguest grop de fauna.

Era activitat ei dirigida a tota era familha e convide a passar ua estona divertida en tot cercar as petiti mamifèrs que viuen amagadi enes nòsti bòsqui.

 

Micromamifers

 

Programa:

Diuendres 18 d’agost 2017 (Refugi dera Honeria-Val de Toran)

 20h: Charrada audiovisuau “Micromamifèrs, animadors secrets des nòsti bòsqui”.

21h: Sopar.

22:00 -23:30h: Exploracion nocturna en ‘’bòsc des Murguetes’’ mejançant era prospeccion de dispositiu de trampeg.

Entà hèr mès comòde eth seguiment dera activitat, eth refugi aufrís servici de lotjament e restauracion (menú 15€ e menú infantil 6€). Mès tanben i é era possibilitat de portar eth sopar en topinet.

 

Dissabte 19 d’agost 2017 (Plaça deth Conselh Generau d’Aran)

 10h-13h: Vielha / Betren

 Charrada ‘’Qué ne sabem des arrats dromilhèrs grisi?”.

Revision e contraròtle des estacions de cria deth Projècte Liró a Betren.

 

Era activitat ei gratuïta, mès es places son limitades, per aquerò cau formalizar era inscripcion telefonant tath Conselh Generau d’Aran (973 64 18 01) o enviant un corrèu a g.vilo@aran.org, persona de contacte Gerard Viló.

Era inscripcion se pòt hèr tà un dia o tàs dus.

 

Comments are closed.