• Pendent era amassada mantenguda, ena que sigueren tanben presents eth conselhèr de Territòri, Paisatge e Gestion Ambientau e era secretaria generau de CCOO de Lhèida, se tractèren ahèrs d’interès entara Val d’Aran coma era problematica dera viuenda o era estacionalizacion deth territòri, e autant eth govèrn d’Aran coma eth sindicat s’emplacèren a abordar de manèra conjunta aguesti rèptes

Era sindica d’Aran, Maria Vergés, e eth conselhèr de Territòri, Paisatge e Gestion Ambientau, Francés Bruna, recebèren ager ath secretari generau deth sindicat CCOO en Catalunya, Javier Pacheco e era secretaria generau de CCOO Tèrres de Lhèida, Cristina Rodríguez.

Pendent era amassada mantenguda se tractèren tèmes d’interès entara Val d’Aran coma era situacion ena que se tròbe era viuenda en Aran o era estacionalizacion en territòri.

Deuant aguesti ahèrs era sindica d’Aran afirmaue que: “deth govèrn deth Conselh Generau d’Aran ençà compartim era volontat de hèr front de manèra conjunta damb es sindicats presents en Aran ad aguèsti rèptes qu’eth nòste territòri a d’afrontar”.

CCOO a dubèrt en Vielha un locau sindicau entà atier es besonhs des trabalhadors e trabalhadores dera Val d’Aran, en tot èster conscients dera singularitat e caracteristiques des besonhs deth nòste territòri.