Era sindica d’Aran s’amasse damb eth grop parlamentari d’ERC

  • En marc dera ronda de contacte damb es grops parlamentaris iniciada en mai, era sindica d’Aran, Maria Vergés, s’a amassat aguest maitin en Parlament damb era portavotz deth grop d’ERC, Marta Vilalta, a qui expausat es besonhs e rèptes de futur dera Val d’Aran e a plantejat era creacion d’un marc de trabalh e cooperacion damb eth Parlament e tanben damb es pròpris grups polítics

Era sindica d’Aran, Maria Vergés, s’a amassat aguest maitin en Parlament de Catalunya damb era portavotz deth grop parlamentari d’Esquerra Republicana, Marta Vilalta, en marc dera ronda de contactes qu’a mantengut pendent es darrèri mesi damb es grops parlamentaris entà tractar ahèrs d’importància entà Aran.

“Pendent era amassada mantenguda aué è expausat ara portavotz d’ERC era situacion e es problematiques que patís eth nòste territòri, atau coma es nòsti rèptes de futur”, afirmaue era sindica, en tot híger que: “tanben è profitat entà plantejar, coma ja auem hèt en d’autes ocasions, era importància qu’aurie entà Aran qu’es diuèrsi grops parlamentaris  poguen debàter sus era realitat aranesa ena cramba catalana”.

Era sindica d’Aran a arregraït a Vilalta era atencion e comprension balhada pendent aguesta trobada.

Enquiath moment, Vergés s’a amassat dejà damb es representants des grops parlamentaris deth PSC, CUP-NCG, En Comú Podem e ERC, damb era intencion de fomentar era coneishença e eth debat sus er estat der autogovèrn aranés.

Comments are closed.