Era Val d’Aran acuelh es Jornades d’estudi “1616. Ordinacions, Pragmatica e Edictes Reiaus. Juan Francisco de Gracia”

1616.ordinacions

 

 

Es dies 4, 5 e 6 de noveme se celebraràn ena Val d’Aran es Jornades d’Estudi “1616. Ordinacions, Pragmatica e Edictes Reiaus dera Val d’Aran. Juan Francisco de Gracia”. Aguestes jornades commemoren eth 400 aniversari dera redaccion d’aguest document qu’actualize e recopile era administracion aranesa.

 

pragmatica e edictes

 

Es actes començaràn eth diuendres, 4 de noveme, damb era conferéncia inaugurau a cargue de Patrici Pojada dera Universitat de Perpinhan. Aguest madeish dia, era Fondacion Musèu Etnologic dera Val d’Aran presentarà era reproduccion e reedicion dera publicacion originau, datada en 1618, des Ordinacions. Toti dus actes auràn lòc en Vielha ena sedença deth Conselh Generau d’Aran.

Es dies 5 e 6 de noveme es actes contunharàn ena Aubèrja Era Garona de Salardú e enes glèises d’Escunhau, Garòs e Unha a on se visitaràn e se comentaràn es sòns relòtges.

Entà hèr era inscripcion cau hèr arribar ena adreça electronica der Archiu Generau d’Aran: acvallaran.cultura@gencat.cat era huelha d’inscripcion damb ua còpia deth justificant deth pagament.

 

Mès informacion e programa: Programa-Ordinacions-1616

 

 

 

Vielha, 19 d’octobre de 2016

 

Conselh Generau d’Aran: Núria Sanjuan

Comments are closed.