Vielha, 28 d’abriu de 2017.- Un an mès era Val d’Aran serà protagonista deth derbí qu’afrontarà ath Espanyol e eth Barça en estadi de Cornellà-El Prat.

Abans deth partit e ena mieja part, es convidadi poderàn degustar diuèrsi productes dera Mèrca de Garantia dera Val d’Aran coma tronquets, coquilhons, choriço de cèrvi e casis. Ath delà, es assistents ath match arreceberàn informacion sus era aufèrta toristica dera Val d’Aran e es activitats aufrides per Torisme Val d’Aran.

Ena mieja part deth partit s’emeterà un vidèo promocionau d'”Era Esséncia des Pirenèus” en vidèo mercador der estadi deth RCD Espanyol.