Aué dimars 10 de gèr serà ua jornada iuernau a on era còta de nhèu se plaçarà entre es 800 – 900 m. Acumulacions de mès de 50 cm ena còta 2.500 de Baqueira e mès de 30 cm en Bagergue 1.419 m.

Tà meddia, se demoren vents moderadi de compausant nord-oèst damb quauqua “racha” fòrta sustot en còtes nautes.

Temperatures en hons dera Val (0°/4°). En còta 1.800 (-5°/-2).

Eth dimèrcles i auràn precipitacions moderades pendent era maitiada; còta de nhèu ath torn des 1.000 m. Es nheuades s’afebliràn pendent eth maitin e en tot pujar de còta cap as 1.500 m. Pendent era maitiada se poderien acumular d’auti 20 cm mès ena còta 2.500.

Lèu pujada des temperatures (1°/6°).

Eth dijaus serà pro assolelhat pendent eth maitin damb quauqui intervaus de brumes. A darrères ores aumentarà era nivolositat e se poderie produsir quauque fèble plojat damb còta de nhèu ath desús des 1800 m baishant pendent era maitiada.

Temperatures en ascens (2°/10°).

Vielha, 10 de gèr de 2017

Conselh Generau d’Aran: Núria Sanjuan

Hònt: MeteoAran (http://www.meteoaran.com/)