• Eth 10 de junhsèga era Val d’Aran acuelherà era gessuda dera nauau etapa deth Tour de France 2016 (Vielha- Arcalís).

Era sedença deth Conselh Generau d’Aran a acuelhut aguest maitin ua reünion de seguretat e coordinacion entara gessuda dera nauau etapa deth Tour de France deth 10 de junhsèga, damb gessuda de Vielha e arribada en Arcalís (Andorra) damb 184.5 Km e 5 pòrts de montanha.

Era reünion a estat presidida peth conselhèr de Territòri d’Aran, Jose Antonio Boya, e peth baile de Vielha e Mijaran, Juan Antonio Serrano, damb era preséncia deth director des Servicis Territoriaus d’Interior en Naut Pirenèu e Aran, Josep Palau, ath delà de representants des Pompièrs d’Aran, des Mòssos d’Esquadra, Tecnics de Proteccion Civiu e deth SEM.

Eth conselhèr de Territòri d’Aran, Jose Antonio Boya, a manifestat “ena reünion d’aué s’an concretat toti es aspèctes de viabilitat e seguretat dera gessuda deth Tour de France eth 10 de junhsèga, mos cau garantir era maximala eficiéncia e seguretat en aguest eveniment tant important”.

Vielha, 14 de junh de 2016

Conselh Generau d’Aran: Núria Sanjuan