Vielha, 24 de seteme de 2018.- Coma cada an ath finalizar era sason d’ostiu es alumnes deth Centre Aucupacionau ADDA (Associacion Discapcitats dera Val d’Aran) an visitat era Artiga de Lin, damb era novetat qu’enguan an pogut conéisher eth nau Centre d’Interpretacion dera Artiga de Lin.

cof

Eth Centre d’Interpretacion dera Artiga de Lin ei ua des novetats dera auferta culturau e toristica dera Val d’Aran, que siguec inaugurat eth passat 16 de junhsèga. Aufrís as visitants un recorregut per diferenti encastres dera zòna des des glaciacions que modelèren era Ribèra dera Artiga hè 50.000 ans, enquiara fauna e era flòra autoctòna, en tot passar pera neishença e es Uelhs deth Joeu, era istòria dera Ermita dera Artiga de Lin e er ancian Espitau, amassa damb era rota d’Es Bòrdes, de pastors, trafegaires, excursionistes e refugiats. Donques siguec ua des rotes utilizades pes persones qu’artenhien escapar des nazis pendent era Dusau Guèrra Mondiau.

Ath delà, eth Centre d’Interpretacion dera Artiga de Lin aufrís as usatgèrs ua visita interactiua qu’utilize er audiovisuau e es naues tecnologies entà transméter toti es detalhs dera visita.

Es alumnes deth Centre Aucupacionau ADDA tanben visitèren era Artiga de Lin es Uelhs deth Joeu e arribèren enquiath Plan de l’Artiga damb eth tren toristic que coma cada ostiu a metut eth foncionament eth Conselh Generau d’Aran.

cof