• 7 pòdiums entath CEGVA en Campionat de Catalonha-Open e ena Copa Vielha de patinatge sus gèu.
Era passada dimenjada, 11 e 12 de març, se celebrèc eth Campionat de Catalonha Open e Copa Vielha de patinatge sus gèu. Campionat dubèrt sonque as categories nacionaus o internacionaus de clubs que pertanhen ara FEDH.
Era pròva, organizada peth Club Esports de Gèu Vald’Aran (CEGVA) puntuable entara 26au Liga Catalana de Patinatge artistic sus gèu.
125 patinadors vengudi de toti es clubs d’ Espanha e Andòrra formèren part d’aguesta competicion.
Eth club aranés presentaue a 9 patinadores: Irene Arís, Claudia Capdevila, Sara Monteagudo, Lucía Sanchez, Naia España, Georgina Serrallach, Noa Villacampa, Griselda Serrallach e Iria España, en tot obtier un totau de 7 pòdiums.
Ena categoria DEBS era aranesa, Naia España, se proclamèc campiona dera Copa Vielha coma deth Campionat de Catalonha Open.
Pera sua part, era tanben aranesa, Aina Masip, en categoria Basic Novice B obtenguec era dusau plaça ena Copa Vielha e se proclamèc campiona de Catalonha Open dera sua categoria. Ena 2au categoria, Georgina Serrallach, quedèc tresau ena Copa Vielha e subcampiona de Catalonha, e era tresau plaça se l’emportèc era aranesa, Iria España.
Vielha, 14 de març de 2017
Conselh Generau d’Aran: Núria Sanjuan
Hònt e fotos. CEGVA